𝐂𝐨𝐮𝐫𝐭𝐞𝐬𝐲 𝐕𝐢𝐬𝐢𝐭 𝐧𝐠 𝐦𝐠𝐚 𝐁𝐫𝐠𝐲. 𝐒𝐞𝐜𝐫𝐞𝐭𝐚𝐫𝐢𝐞𝐬 𝐬𝐚 𝐏𝐮𝐧𝐨𝐧𝐠 𝐁𝐚𝐲𝐚𝐧 𝐍𝐞𝐬𝐭𝐨𝐫 𝐃. 𝐍𝐚𝐭𝐚𝐧𝐚𝐮𝐚𝐧

 

𝐀𝐠𝐨𝐬𝐭𝐨 𝟏𝟏, 𝟐𝟎𝟐𝟔

Nagsagawa ng courtesy visit ang mga Barangay Secretaries sa Punong Bayan Nestor D. Natanauan upang ipagbigay-alam ang kanilang pagdalo sa nalalapit na Provincial Congress na gaganapin sa Agosto 20–22, 2026 sa Parañaque City, Manila.

Layunin ng naturang pagtitipon na magsilbing pagkakataon para sa mga Barangay Secretaries na makilahok sa mga makabuluhang talakayan, palitan ng kaalaman at karanasan at mga usaping may kaugnayan sa kanilang mahalagang tungkulin sa pamahalaang barangay.

Patuloy na sinusuportahan ng Pamahalaang Bayan ng Talisay ang mga programa at gawaing naglalayong mapaunlad ang kakayahan ng mga kawani at opisyal ng barangay para sa mas mahusay, episyente at responsableng paglilingkod sa mamamayan.