𝐒𝐢𝐠𝐧𝐢𝐧𝐠 𝐨𝐟 𝐃𝐞𝐞𝐝 𝐨𝐟 𝐃𝐨𝐧𝐚𝐭𝐢𝐨𝐧 𝐚𝐧𝐝 𝐆𝐫𝐨𝐮𝐧𝐝𝐛𝐫𝐞𝐚𝐤𝐢𝐧𝐠 𝐂𝐞𝐫𝐞𝐦𝐨𝐧𝐲 𝐟𝐨𝐫 𝐭𝐡𝐞 𝐏𝐫𝐨𝐭𝐞𝐜𝐭𝐞𝐝 𝐀𝐫𝐞𝐚 𝐌𝐚𝐧𝐚𝐠𝐞𝐦𝐞𝐧𝐭 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐓𝐚𝐚𝐥 𝐕𝐨𝐥𝐜𝐚𝐧𝐨 𝐏𝐫𝐨𝐭𝐞𝐜𝐭𝐞𝐝 𝐋𝐚𝐧𝐝𝐬𝐜𝐚𝐩𝐞 – 𝐃𝐄𝐍𝐑

 

𝐇𝐮𝐥𝐲𝐨 𝟐𝟑, 𝟐𝟎𝟐𝟔

Personal na tinanggap ni Mayor Nestor D. Natanauan si DENR Secretary Atty. Juan Miguel "Mitch" T. Cuna sa kanyang pagdalaw sa bayan ng Talisay at bilang bahagi ng seremonya ng paglagda sa Deed of Donation ng lupang idinonate ng Lokal na Pamahalaan ng Talisay sa DENR, na matatagpuan sa likod ng Pamahalaang Bayan at siyang pagtatayuan ng bagong tanggapan ng Protected Area Management Office.

Dumalo rin sa nasabing programa sina Congressman Atty. King Collantes, DPWH Regional Director Engr. Carolina A. Pastrana, mga opisyal ng Department of Environment and Natural Resources (DENR), mga Punong Bayan mula sa mga karatig na bayan at kinatawan ng Provincial Government of Batangas, bilang pagpapakita ng kanilang suporta sa proyektong magpapalakas sa pangangalaga at pamamahala ng Taal Volcano Protected Landscape.

Ang proyektong ito ay inaasahang higit pang magpapalawak ng koordinasyon sa pagitan ng DENR at ng Lokal na Pamahalaan ng Talisay sa pagpapatupad ng mga programang pangkalikasan. Magiging sentro rin ito ng mga serbisyo ng DENR na magpapadali sa mga transaksyon hindi lamang ng mga mamamayan ng Talisay kundi ng mga karatig na bayan na sakop ng Protected Area.

Patuloy na isinusulong ng Lokal na Pamahalaan ng Talisay ang mga programang at proyektong nagtataguyod ng pangangalaga sa kalikasan, mahusay na serbisyong pampubliko at kaunlaran para sa kapakinabangan ng bawat Talisenyo at ng mga susunod na henerasyon.