Mainit na tinanggap sa Tanggapan ng Punong Bayan Nestor D. Natanauan ang mga kinatawan mula sa Development Bank of the Philippines (DBP) noong ika-14 ng Abril, 2026. Ang delegasyon ay pinangunahan nina DBP Reg. Manager Ched Sy at Branch Manager Neriss Janolo.
Ang pagbisitang ito ay naglalayong talakayin ang mga posibleng programang pinansyal at mga proyektong makakatulong sa patuloy na pag-unlad ng Bayan ng Talisay. Sa nasabing pagpupulong, binigyang-diin ang iba't ibang oportunidad sa pagpopondo para sa:
Mga proyektong pang-impraistraktura
Mga programang pangkabuhayan na mapapakinabangan ng mga Talisayeño.
Ang ugnayang ito sa pagitan ng Lokal na Pamahalaan at ng DBP ay isang mahalagang hakbang upang masiguro ang sapat na suportang pinansyal para sa mga adhikain at bisyon ng ating bayan para sa mas progresibong kinabukasan.
0 Comments