𝐏𝐚𝐠𝐬𝐚𝐬𝐚𝐠𝐚𝐰𝐚 𝐧𝐠 𝐋𝐚𝐛𝐨𝐫 𝐄𝐝𝐮𝐜𝐚𝐭𝐢𝐨𝐧 𝐩𝐚𝐫𝐚 𝐬𝐚 𝐦𝐠𝐚 𝐊𝐚𝐛𝐚𝐭𝐚𝐚𝐧𝐠 𝐌𝐚𝐠𝐬𝐢𝐬𝐢𝐩𝐚𝐠𝐭𝐚𝐩𝐨𝐬 𝐬𝐚 𝐓𝐚𝐥𝐢𝐬𝐚𝐲 𝐒𝐞𝐧𝐢𝐨𝐫 𝐇𝐢𝐠𝐡 𝐒𝐜𝐡𝐨𝐨𝐥 𝐌𝐚𝐫𝐬𝐨 𝟒, 𝟐𝟎𝟐𝟔

Isinagawa ngayong araw ang Labor Education para sa apatnaraan at tatlumpu’t dalawang (432) mag-aaral ng Grade 12 ng Talisay Senior High School bilang paghahanda sa kanilang pagpasok sa mundo ng pagtatrabaho.

Nagbahagi ng mahahalagang kaalaman si Ms. Ann Jelyn F. Natividad, Senior Labor and Employment Officer mula sa DOLE Batangas Provincial Office tungkol sa karapatan at responsibilidad ng mga manggagawa, tamang proseso ng paghahanap ng trabaho, at iba pang mga programang maaaring mapakinabangan ng mga kabataan.

Layunin ng gawaing ito na mabigyan ng sapat na kaalaman ang mga magsisipagtapos upang maging handa, responsable, at may sapat na impormasyon sa kanilang tatahaking landas pagkatapos ng kanilang pag-aaral.

Patuloy ang suporta ng Pamahalaang Bayan ng Talisay sa mga programang nagbibigay-kaalaman at oportunidad para sa ating mga kabataan tungo sa mas maliwanag na kinabukasan.